401

401

Frels oss Guð frá hinum illa,

honum, sum alt ilt oss ger;

sálardráp og syndaspilla

vilji hans og virkan er;

støðugt hann oss herjar á,

sterki faðir, statt oss hjá,

burtur rek tann arga fjanda,

hjálp, at sigursæl vit standa.

2. Lat alt tæna tær til handa,

sál og likam, kraft og eyð,

varða oss í hvørjum vanda,

bjarga oss úr trongd og neyð;

varðveit okkum kristnan sið,

heilsu, lív og landafrið;

ver, o, Guð, vár lívd og verja,

skjøldur vár, tá illmenn herja.

3. Fram um alt frá heljar pínum

frels, o faðir, okkum øll,

vís tú oss við anda tínum

veg til tína ljósu høll;

tá várt eyga slokna skal,

hjálp, at øll vit fara væl,

loyst frá jarðarríkis kvølum

hittast glað í himlasølum.

Mikkjal á Ryggi.

Lag: sum Sl. 22.