454

454

Tað ríka ljóðið,

tú hoyrir meiri nær.

Lív birtist, góði,

av nýggjum fyri tær;

og tú skalt smíla,

tá Jesus tekur teg,

og tú skalt hvíla

sum her í vøgguni,

í gleði smíla,

tí einki ræðir teg.

2. Har eingin grætur,

og eingin pína er,

ei myrkar nætur,

sum undir homrum her.

Teg einglar leiða

í Harrans blómugarð,

og tú skalt eiga

so vøkur blomstur har,

sum her vit breiða

á svørðin fyri tær.

H.A. Djurhuus.

Lag: sum Sl. 15.